Friday , May 25 2018
Loading...
Loading...

Fasulet dhe rëndësia e tyre në shëndet.

Në stinën e dimrit fasulet janë ndoshta ushqimi tipik i shqiptarëve. Megjithatë, duke lexuar vetitë shëndetësore që ne marrim prej tyre, ju do të kuptoni se ne nuk jemi populli i vetëm që i konsumojmë shumë.

Fasulet janë burimi i një prej tetë ushqimeve të rëndësishme të cilat njeriu nuk i merr mjaftueshëm në dietën e tij. Ato janë konsideruar si ushqim i shëndetshëm sepse për shkak të proteinave të tyre bëjnë pjesë në kategorinë e grupit ku bën pjesë mishi dhe grupit të bishtajave.

Fasulet janë shumë të ushqyeshme dhe janë të pasura me vitaminë A,B,C dhe E, ndërsa përmbajnë një sërë kripërash minerale, hekur, kalcium dhe fosfor. Ato janë të përbëra në masë 60% nga amidoni dhe sheqeri ndërsa fasulet e njoma janë të përbëra në masën 90 % nga uji.

Shkencëtaret kanë sjellë disa rezultate të reja për efektet pozitive që mund të ketë fasulja në shëndetin e njeriut. Studimet e fundit kanë treguar se fasulja mund të jetë një nga përbërësit kryesorë të dietave, pasi që mund të zvogëlojë rrezikun e sëmundjeve të zemrës si dhe disa lloje të kancerëve.

Ngrënia e fasules redukton praninë e kolesterolit në gjak. Fasulet mund të ndihmojne ne parandalimin e anemisë sepse janë të pasura me vitamina dhe minerale, veçanërisht hekuri.

Të gjitha llojet e fasules janë të pasura me fibra, gjë që lehtëson ndjesinë e ngopjes. Gjithashtu për shkak të pasjes së fibrave, fasulet janë të përshtatshme për funksionimin e zorrës së trashë, për të zvogëluar problemet e kapsllkut, hemorroideve dhe problemeve të tjera të zorrëve.

Njëkohësisht fasulet janë të rekomandueshme për njerëzit që duan të ndërtojnë muskujt dhe të bëjnë trupin e tyre të fortë, sepse fasulet përmbajë të paktën 20% proteina dhe janë të larta në karbohidrate.

Loading...

Leave a Reply

Your email address will not be published.