Wednesday , December 13 2017
epa04614165 Greek Foreign Minister Nikos Kotzias gestures while speaking during a joint press conference with Russian Foreign Minister Sergei Lavrov (unseen) after their talks in the Russian Foreign Ministry guest house in Moscow, Russia, 11 February 2015. Greece's defence minister has said the country could seek help from the United States, Russia or China if it fails to reach a new debt agreement with its European partners. Eurozone finance ministers are to hold an emergency meeting 11 February before an EU summit on 12 February on the Greek crisis. EPA/SERGEI CHIRIKOV +++(c) dpa - Bildfunk+++

Greqia i shuan shpresat Maqedonisë për t’u bërë pjesë e NATO-s.

Ministri i Jashtëm grek Nikos Kotzias ka përjashtuar mundësinë e integrimit të Maqedonisë në NATO pa patur më parë një zgjidhje për çështjen e emrit.

Deklaratën ai e ka bërë në një konferencë të përbashkët për shtyp me homologun maqedonas Nikola Dimitrov, i cili ka zhvilluar vizitën e tij të parë në Athinë, ku nuk është arritur asnjë rezultat gjatë bisedimeve paraprake.

“Greqia dëshiron që gjithë rajoni i Ballkanit perëndimor të bëhet pjesë e sistemit Euro-Atlantik, por çështja është se sa duan vetë këto vende të bëhen”, ka thënë Kotzias.

Ai ka theksuar se askush nuk duhet të presë që Greqia të tërhiet. “Nuk mund të kërkojnë që ne të bëjmë pas në bindjet tona, kurse ata jo”, ka thënë Kotzias.

Kreu i diplomacisë greke ka deklaruar se Athina kërkon që Maqedonia të bëhet anëtare e NATO-s duke u gjendur një zgjidhje kompromisi për çështjen e emrit.

“Dhe menjëherë më pas dy vendet fqinje të shkojnë në OKB e të nënshkruajnë një marrëveshje të re, e cila t’u deklarohet në fund në Bruksel gjithë organizatave ndërkombëtare”, ka vijuar Kotzias.

Ky dialog, që sapo ka filluar, do të pasohet me vizitën e Kotzias në Shkup në muajin gusht dhe sipas dy ministrave, nëse do të ketë një qasje pozitive nga të dyja palët, ajo do të shërbejë si garanci për zgjidhjen e çështjes së emrit.

“Por nuk mjafton vetëm predispozita pozitive, megjithëse përbën një bazë të mirë për negociatat e përbashkëta”, ka shtuar Kotzias.

/ Top Channel

Loading...

Leave a Reply

Your email address will not be published. Required fields are marked *

%d bloggers like this: